2009/05/12

Genozidio frankista

Eusko Legebiltzarrak 2008ko azaroaren 2an onartu zuen Euskal Herriko Egiaren Batzordea sustatzeko ez legezko proposamena. Eusko Jaurlaritzako Giza Eskubideen Zuzendaritzak hala eskatuta, Lau Haizetara Gogoan koordinakundeak batzordeak izan beharko lituzkeen ezaugarriak eta helburuak finkatu ditu. Gainera, gatazka politikoen inguruko hausnarketa eta eztabaida bultzatu ere nahi du.

Koordinakudeak Bosnian eta Guatemalan izandako genozidioekin konparatu du 1936ko gerraren osteko egoera Euskal Herrian. «Bosnian mila biztanletik hamabost hil zituzten 1991-1995 urte bitartean. Nafarroan, berriz, altxamendu militarraren lehenengo bi hilabeteetan mila biztanletik hamabi hildako zenbatu ditugu». Datuok Hegoafrika, Argentina, Txile eta Uruguaiko genozidioen hilketa kopuruen gainetik kokatzen dute, Euskal Herria. Herrialde horietan, hilketak ez dira iristen mila biztanletik batera ere.

Lau Haizetara Gogoan koordinakundea 2006an sortu zen «memoria historiko antifaxista berreskuratzen dabiltzan Euskal Herriko elkarte guztien indarra biltzeko asmoz». Honako taldeek osatzen dute koordinakundea: Ahaztuak 1936-1977, Andikona, Debagoienako Fusilatuen Senideen Batzordea, Eusko Abertzale Ekintza (EAE), Geureak 1936, Izquierda Republicana, Katin Txiki, Martxoak 3 elkartea, Memoriaren Bideak, Oroituz, La Rosa Negra eta Uliako Taldea.

Informazio gehiago: "El impacto del genocidio franquista supera a los de Sudáfrica o Argentina", Gara, 2009ko martxoaren 29an.

Aucun commentaire: